Covid 19 და მისი გავლენა სასტუმრო ბიზნესზე

ანოტაცია

COVID-19-ის პანდემია ახალი გამოწვევა აღმოჩნდა არა მარტო საქართველოსთვის, არამედ მსოფლიოს თითქმის ყველა ქვეყნისთვის. ეკონომიკის დარგებიდან, ყველაზე მეტად ტურიზმის სფერო დაზარალდა. კერძოდ, სასტუმრო ბიზნესი სრულ კოლაფსში აღმოჩნდა, შესაბამისად, შემცირდა დასაქმებულთა რაოდენობა და სახელმწიფო საბიუჯეტო შემოსავლებიც.

საქართველოს სხვადასხვა რეგიონში, მცირე და საშუალო ზომის  სასტუმროები მრავალი პრობლემის წინაშე აღმოჩნდნენ - უნდა გადაეხადათ გადასახადები, გაესტუმრებინათ საკრედიტო დავალიანებები ბანკებისთვის და საფინანსო ვალდებულებები პარტნიორებისთვის, შეენარჩუნებინათ სამუშაო ადგილები და სისრულეში მოეყვანათ მომსახურების ახალი ნორმები და რეგულაციები. მსგავსი გამოწვევა  საქართველოს სასტუმროებს ჯერ არ ჰქონიათ.

ნაშრომის კვლევის მიზანს წარმოადგენს ახალი COVID-19-ის ნეგატიური ზეგავლენა სასტუმრო ბიზნესზე, ჯავშნების გაუქმების ტენდენციის ქრონოლოგია და კრიზისის დაძლევის მექანიზმების კვლევა და ანალიზი.

კვლევის ამოცანას  წარმოადგენს პანდემიის დროს სასტუმროებზე მოთხოვნის შემცირების ანალიზი და მიღებული ზარალის იდენტიფიცირება.