ანოტაცია
წინამდებარე სამაგისტრო ნაშრომში განხილულია სტრატეგიული კომუნიკაციის როლი პლასტიკური ქირურგიის განვითარებაში. კვლევა ჩატარდა საქართველოში არსებული ორი ცნობილი კლინიკის, Total Charm-ისა და Kuzanov-ის, მაგალითზე. კვლევა შეისწავლის, თუ როგორ უწყობს ხელს სტრატეგიული კომუნიკაცია სოციალური მედიის ეფექტურ გამოყენებასთან ერთად კლინიკების კონკურენტუნარიანობას, პოპულარობასა და გაყიდვების ზრდას.
საკვლევი მხარეების წარმომადგენლებთან (კლინიკის მენეჯმენტთან, ქირურგები და პაციენტები) ინტერვიუების ანალიზმა, Total Charm-ისა და Kuzanov-ის კლინიკების კვლევისას შესწავლილმა კომუნიკაციის ინდივიდუალურმა სტრატეგიებმა აჩვენა მათი განსხვავებული მიდგომები და ინოვაციური მეთოდები კლიენტთა მომსახურეობისას, რაც უპირობო გარანტიაა პლასტიკური ქირურგიის ინდუსტრიაში კონკრენტული კლინიკების უპირატესობისა.
ამ კვლევის მნიშვნელოვანი ასპექტია თანამედროვე სოციალური მედიის როლის კვლევა კლინიკების წარმატებაში, ასევე იმის დადგენაში, როგორ აძლიერებს სტრატეგიული კომუნიკაცია სხვადასხვა სოციალური მედიის პლატფორმების საშუალებით ამა თუ იმ ბრენდის პოპულარობასა და ცნობადობას, როგორ ერთვება სამიზნე აუდიტორიასთან მჭიდრო და აქტიურ კომუნიკაციაში, რაც პირდაპირპროპორციულად აისახება გაყიდვების ზრდაზე. კვლევა აფასებს სოციალური მედიის კამპანიების, კონტენტის სტრატეგიების ეფექტურობას პაციენტების მოზიდვასა და შენარჩუნებაში.
სამაგისტრო კვლევა აერთიანებს როგორც პირველად, ისე მეორეულ მონაცემთა სხვადასხვაგვარ წყაროებს, რაც უზრუნველყოფს ანალიზის მრავალმხრივობასა და სანდოობას. პირველადი კვლევა მოიცავს ორივე მხარესთან ინტერვიუებსა და გამოკითხვებს, რაც პლასტიკურ ქირურგიაში არსებული მიღწევებისა თუ პრობლემების მკაფიო სურათის დანახვის საშუალებას იძლევა. მეორეული კვლევა მოიცავს აღნიშნულ დარგში უკვე არსებული ლიტერატურის მიმოხილვას, ინდუსტრიის ანგარიშებსა და აკადემიურ კვლევებს, რომლებიც დაკავშირებულია სტრატეგიულ კომუნიკაციასა და პლასტიკური ქირურგიის განვითარებასთან, რაც, ფაქრობრივად, გამორიცხავს გარკვეულ გადაცდომებს.
სტრატეგიული კომუნიკაციის, სოციალური მედიის, კონკურენტუნარიანობის, ბაზარზე უპირატესობისა და გაყიდვების ზრდის ურთიერთქმედების შესწავლით ეს კვლევა ხელს უწყობს ამ სფეროში არსებული ცოდნისა და გამოცდილების გაფართოებას. წინამდებარე ნაშრომი მოიცავს პრაქტიკულ რეკომენდაციებს პლასტიკური ქირურგიის კლინიკებისა და პრაქტიკოსი ქირურგებისთვის სტრატეგიული კომუნიკაციის მეთოდებისა და სოციალური მედიის პლატფორმების გამოყენების შესახებ, რაც პირდაპირ გავლენას მოახდენს ბაზარზე მათი ადგილის დამკვიდრებასა და პოზიციების გამყარებაში. მთლიანობაში, ეს კვლევა იძლევა ღირებულ შეხედულებებს სტრატეგიული კომუნიკაციის მრავალმხრივ როლზე პლასტიკური ქირურგიის განვითარებაში და დეტალურად ასახავს აღნიშნული მეთოდის გავლენას ბიზნესის შედეგებზე.
წყაროები
n.d. The Canadian Journal of Sociology / Cahiers canadiens de sociologie, Vol. 34, No. 1 (2009).
Abbas Khosravi1, Najmeh Roozmand2, Seyed Mojtaba Hosseinifar3, Khalil Md Nor4, Ali Akbar Hozhabri. 2011. "MARKETING AND INNOVATION." 2nd INTERNATIONAL CONFERENCE ON BUSINESS AND ECONOMIC RESEARCH (2nd ICBER 2011) PROCEEDING.
Anca E. Cretu, Roderick J. Brodie. 11 june 2009. "Business-To-Business Brand Management:." Theory, Research and Executivecase Study Exercises (ISBN: 978-1-84855-670-6, eISBN: 978-1-84855-671-3.
n.d. Aptos.global. (https://aptos.global/history).
n.d. "body work."
carr, deborah. WINTER 2007. "the body work." Contexts, Vol. 6, No. 1 .
Cespede, Frank. 2018.
D. Johnson, I. H. Whitworth. Aug. 10, 2002. "Recent Developments In Plastic Surgery." British Medical Journal.
n.d. facebook.com. (https://www.facebook.com/TotalCharm.ge).
Isoriate, M. 2018. "The competitive advantages theoretical aspects ." ECOFORUM.
Kinni, Theodore B. n.d.
n.d. kuzanov.com. (https://kuzanov.com/en/home-2/).
Porter, Michael. 1998. The Competitive Advantage: Creating and Sustaining Superior Performance.
Rosemary Ricciardelli, Kimberley Clow. 2009. "Men, Appearance, and Cosmetic Surgery: The Role of Self-esteem and Comfort with the Body." The Canadian Journal of Sociology/Cahiers canadiens de sociologie, Vol. 34, No. 1.
n.d. "The Cosmetic Surgery Stigma.An American Cultural Phenomenon?" Recent Developments In Plastic Surgery.