კვების პროდუქტების ტექნოლოგიური და ქიმიური კონტროლი

Abstract

წინამდებარე სახელმძღვანელო „კვების პროდუქტების ტექნოლოგიური და ქიმიური კონტროლი“, წარმოადგენს კომპლექსურ საგანმანათლებლო რესურსს, რომელიც განკუთვნილია, როგორც სურსათის ტექნოლოგიის მიმართულების სტუდენტებისთვის, ასევე, ამ სფეროში მომუშავე სპეციალისტებისთვის. იგი ეყრდნობა თეორიული ცოდნის ფართო ბაზას და გამდიდრებულია თანამედროვე პრაქტიკული მიდგომებით, რაც განაპირობებს მასალის აქტუალობასა და გამოყენებას, სტუდენტებისა და ასევე, ამ დარგით დაინტერესებული პირებისთვის.

სახელმძღვანელოს ძირითადი მიზანია სურსათის ხარისხის შეფასებისა და კონტროლის საფუძვლების გააზრება და შესწავლა. მასში სისტემურად არის წარმოდგენილი, როგორც ზოგადი თეორიული საკითხები, ისე კონკრეტული პროდუქტების ჯგუფების - რძისა და რძის პროდუქტების, პურისა და მარცვლეულის პროდუქტების, ეთერზეთების, ბრენდისა და ლიქიორის, ღვინისა და ღვინომასალის, ლუდისა და უალკოჰოლო სასმელების, ხორცისა და ხორცპროდუქტების ორგანოლეპტიკური და ფიზიკურ-ქიმიური ანალიზის მეთოდები. სახელმძღვანელოში აღწერილი მეთოდები დაფუძნებულია მოქმედ სტანდარტებსა და თანამედროვე ლაბორატორიული პრაქტიკის რეგულაციებზე, რაც მათ სანდო და რელევანტურ წყაროდ აქცევს, როგორც სასწავლო პროცესისთვის, ისე საწარმოო გარემოში პრაქტიკული გამოყენებისთვის. წარმოდგენილი მეთოდოლოგია ქმნის მყარ საფუძველს სურსათის უსაფრთხოების, საიმედოობისა და ხარისხის დადასტურებისთვის, როგორც ქვეყნის შიდა, ისე საერთაშორისო მოთხოვნებთან შესაბამისობის უზრუნველსაყოფად.

სახელმძღვანელო მიზნად ისახავს ხელი შეუწყოს მომავალი სურსათის ტექნოლოგების მიერ თეორიული ცოდნის გაღრმავებასა და პრაქტიკაში განხორციელებას - რაც არსებითი წინაპირობაა თანამედროვე კვების ინდუსტრიის გამოწვევების ეფექტურად დასაძლევად.