მედიის მომავალი: პროგნოზები, სარგებელი და პრეფერენციები

ანოტაცია

წარმოდგენილი ნაშრომი აანალიზებს მედიის განვითარების დინამიკას ციფრულ ეპოქაში და ფოკუსირებულია მის პროგნოზირებად ევოლუციაზე, სარგებელსა და მომხმარებელთა ცვალებად პრეფერენციებზე. კვლევა გამოკვეთს ისეთი მოწინავე ტექნოლოგიების, როგო­რებიცაა ხელოვნური ინტელექტი (AI), ვირტუალური და გაფართოებული რეალობა (VR/AR) და ასევე, სოციალური მედიის პლატფორმების როლს თანამედროვე მედიაში. ნაშრომში, მედიათეორეტიკოსების და მკვლევრების მოსაზრებებზე დაყრდნობით სტრუქტუ­რულად გაანალიზებულია მედიის კონტენტის წარმოების, მოხმარებისა და გავრცელების ტრანსფორ­მაცია, განსაკუთრებით იმ პირობებში, როდესაც ალგორითმებზე დაფუძნებული პლატფორ­მები შეუქცევად გავლენას ახდენს ინფორმაციის მიღებისა და გაზიარების კულტურაზე.

თეორიულ საფუძვლად გამოყენებულია მედიისა და კომუნიკაციის კლასიკური მოდე­ლები და თანამედროვე მიდგომები, მათ შორის, ჰაროლდ ლასუელის, უოლტერ ლიპმანის, ჯინ ფისკეს, მარშალ მაკლუენისა და ჰენრი ჯენკინსის ნაშრომები, რომელთა საფუძველზეც შეფასებულია მედიის ევოლუციის პროცესი და მისგან მომდინარე ტენდენციების მიმართუ­ლებები. ძირითადი თემები მოიცავს ციფრული მედიის დომინაციას, პერსონალიზებული და პლატფორმებზე მორგებული კონტენტის გაძლიერებას, აგრეთვე, იმ ეთიკურ გამოწვევებს, რომლებიც პირდაპირ უკავშირდება დეზინფორმაციის საფრთხეებს და მონაცემების ალგორითმულ ჩარჩოებში მოქცევას.

დასკვნით ნაწილში ნაშრომი ასახავს იმ გარდაუვალ დათქმებს, რომლებიც როგორც მედიის მომხმარებლებისთვის, ასევე მწარმოებლებისთვის უნდა გახდეს  მედიაპოლიტიკის წარმოების ერთიანი მიდგომის შემუშავების საფუძველი, ცხადია, გარკვეული კრიტერიუმების შემუშავების ფორმატში; ტექნოლოგიური ადაპტაციის უნარი და მაღალი ეთიკური სტანდარ­ტების დაცვისთვის კონსოლიდირება კი  ცვალებადი მედია გარემოს პირობებში, სანდოობაზე, გამჭვირვალობასა და იმ უმნიშვნელოვანეს შეთანხმებაზე იქნება დამოკი­დებული, თუ რამდენად შეძლებს მედია ინოვაციური ტექნოლოგიური ინსტრუმენტების მეშვეობით წარსდ­გეს ახალი, უნივერსალური საინფორმაციო სამყაროს გამოწვევების წინაშე.